VOCES DE GALICIA

Din que en Galicia hai máis de cen nomes para a choiva. Aquí orballa, barruña, arroia, bátega... Pero nunca choveu que non escampara, e se chove que chova, que esta é a terra dos mil ríos, segundo deixou escrito Álvaro Cunqueiro. A nosa tempada máis chuviosa esténdese de outubro a abril, e o mes máis seco é xullo. As borrascas con chuvascos máis intensos adoitan chegar do océano Atlántico, acompañadas de ventos do suroeste. Salvo excepcións, Galicia acostuma ser cada ano a rexión máis húmida de Europa, máis mesmo que Irlanda, Reino Unido ou Normandía. Grazas a iso, en Santiago de Compostela a choiva é arte.