VOCES DE GALICIA

O gran mercado do peixe de Galicia encarna como poucos lugares a importancia socioeconómica do mar para a nosa comunidade. Só en Vigo hai 357 empresas pesqueiras. O feito é que Galicia aglutina máis da metade do total de empregos do sector da pesca de España. Tan é así, que un de cada cinco empregos relacionado cos produtos do mar está aquí. Deles, máis de 12.000 corresponden á pesca artesanal. As especies máis desembarcadas nos nosos portos son, entre outras, os túnidos, as sardiñas e xoubas, e a xarda.