VOCES DE GALICIA

A Central Agropecuaria de Galicia ABANCA é a única de España cun sistema de poxa informatizado, que exclúe a presenza de intermediarios. A comercialización é así máis xusta, o mesmo que a aposta polo noso campo. Creada en 1981, e xestionada pola Fundación Semana Verde de Galicia, reúne sobre todo a produtores e compradores de bovino, pero tamén, en diferentes mesas de prezos, de porcino, galiña de desvelle, ovos e coello. Para todos eles acórdanse prezos de referencia operativos para o mercado. O resultado é un volume de transaccións anual, só para o bovino, de máis de 17 millóns de euros.